Publisering av novelle på nynorsk i England

Ja, kven skulle ha trudd det?  No har eg altså skrive under kontrakt med Milet Publishing, RH12 3DE England, slik at dei kan publisere omsettinga mi/gjendiktinga av novella  Kvifor eg drap meg sjølv i storbyen/Why I Killed Myself in the City av Mine Söğüt.  Så får vi sjå om Aeolian Visions/Versions - 
Modern and Contemporary Poetry and Fiction from the Cunda International Workshop for Translators of Turkish Literature, 2006 - 2012, vert trykt.

Det er jo litt spesielt å bli inkludert som einaste norske bidrag i ei samling med tyrkiske novellar og dikt som er omsett til engelsk.

Men prosessen går sin gang og meir om dette så snart eg veit meir.

English
Something strange happening.  Today I returned a Memorandum of Agreement to Milet Publishing in England, accepting them to publish my translation of Mine Söğüt´s Why I killed Myself in the City into nynorsk.  The coming days will show if  Aeolian Visions/Versions - Modern and Contemporary Poetry and Fiction from the Cunda International Workshop for Translators of Turkish Literature, 2006 - 2012, will be published.

But the process has started, and I will keep you up-dated on the development.

Saabyes bibliotek

Ein liten middagsrapport frå Saabyes bibliotek
Eg har tidlegare sagt at eg skulle skrive om maten vi fekk servert på 70-årsdagen.  Men, det har vore travelt i det siste, så betre seint...

Grunnen er at eg gjerne vil fortelje om desse utruleg flinke kokkane dei har på Sortland hotell.  Det er heller uvanleg å få servert heile 4 rettar med utsøkt mat som i tillegg er vakkert og delikat anretta på fata. Eg kan difor tilrå folk som ynskjer å ete ute, om å legge turen innom Saabyes bibliotek på Sortland.

Saabyes bibliotek har fått namnet sitt frå forfattaren Lars Saabye Christensen. Namnet er det sus over - ein ser for seg rettar som Gratinerte snegler, Jubelskinke, Himmelsk blykake, Jokerens siste sukkerbrød,  Slukhalsens favoritt, osv. Heilt visst er det at  forventningane til det ein skal få servert, er høge.

Sjølve serveringsstaden er ei blanding av bibliotek, pub og restaurant, med hovudet til forfattaren, om ikkje på fat, så på sokkel, tronande, midt i rommet. Er ikkje heilt sikker på om forfattaraen kjenner seg heilt vel der,  men ein kan jo skåle for han om ein er i eit litterært sinnelag.

Maten skulle vere kortreist.  Menyen vart komponert med god hjelp av kokken, Truls Bang.  Og menyen såg slik ut:

Aperitif
Ishavsrøye frå Sigerfjord
Nytrekt kveite frå Yttersia med rotgrønnsaker, eplesaus og potetpuré
Ytrefilet av Vesterålslam frå Skagen gård, sauterte grønsaker med mild rosmarinvinsaus og fløtepotetar
Rabarbrasuppe med bringebærsorbet - rabarbra frå Jennestad

Til forrett og mellomrett fekk vi Chablis og til hovudretten fekk vi Valpolicella Ripasso.

Middagen var velkomponert, velsmakande og ein fryd å ete.  Stor takk til kokk Truls Bang og til alle dei andre som laga eit slikt festmåltid!

Mine Söğüt

Mine Söğüt er født i Istanbul i 1968.  Ho tok eksamen artium i 1985 og byrja studere latin på fakultet for klassiske studiar ved Universitetet i Istanbul.  Ho tok BA i 1989 og tok fatt på masterstudianen ved same fakultet.
Ho byrja arbeide som journalist i 1990, først i avisa Güneş Gazetesi, der ho skreiv reportasjar frå rettssalen.  Deretter arbeidde ho for Human Rights´Service.  I 1991 gjekk ho over til vekemagasinet Tempo som reportar.  I 1993 mottok ho prisen "heiderleg omtale" i kategorien nyhende, tildelt av Journalistforbundet. I 1994 byrja ho i dagsavis  Yeni Yüzyıl , men sa opp jobben der etter eit år for å gjere ferdig mastergraden i latin med oppgåva: "Polemiske elementar i Prologane av Terentius". 

Frå 1996 - 2000 skreiv ho manus for TV-dokumentaren Haberci.  Ho skreiv for månadsmagasinet Öküz mellom 1999 og 2001.  Intervju og anna stoff har vorte publisert i mange avisar og magasin. 

Ho har skrive fire romanar som har vorte publisert av YKY:  Five Sevim Apartment Building/Beş Sevim Apartmanı(2003), Red Time/Kırmızı Zaman (2004), Şahbaz’s Marvellous Year 1979/Şahbaz’ın Harikulade Yılı 1979 (2007), og Madam Mr. Arthur and Everything in his Life/Madam Arthur Bey ve Hayatındaki Her Şey

Denne artikkelen er omsett frå nettsida: http://www.anatolialit.com/yazar/getir/61/en

Novellesamlinga Deli Kadin Hikâyeleri kom i 2011.  Samlinga har 21 noveller og tema er henta frå dei mørke sidene av kvinnelivet. 
Så langt har eg omsett 5 av desse: 

Kvinna med noko som likna eldebrann inni seg/Içinde Ateşe Yakın Bir Şey Olan Kadın

Leve våre eigne liv/Kendi Hayatlarımızı Yaşamak Varken
Når fluger parar seg/Sinekler Sevişirken
Død i eit nådelaust land/Vicdansız Bir Memlekette Öldüm Ben
Kvifor eg drap mesg sjølv i storbyen/Kendimi Neden Bu Şehirde Öldürdüm