Det å bli sytti år/Becoming seventy

Så er alle gjestane reist heim, nokre etter fire veker intens samver, og her sit vi att og gleder oss over at vi har slekt som vil  vitje og vener som legg vegen innom. I år var det stor stas å kunne invitere til fest på Saabyes bibliotek med aperitif og fire rettar med vin attåt. Vi starta middagen med å synge Din tanke er fri, så kom Skal gamalt venskap kverva bort før hovudretten og heilt til slutt Svantes lykkelige dag.

Det å feire sytti år sat langt inne, men når eg først tok laus var det gildt å kunne invitere gjestar, først og fremst slekta,  men også vener frå ulike bolkar av livet. Det er jo ikkje så lett å be til fest midt på sumaren, men dei som kom gleda seg over maten og over å kunne ha nokre timar saman. Midt under middagen heldt vesle Karoline, 5 1/2 år, tale og ynskja "Velkommen til bords,... og skål" Ho vert nok med tida ei festløve.

På kvelden vandra festlyden opp til Kirkåsvegen til kaffe, kaker og vin. Og dei som ynskte noko sterkare i glaset fekk det. Vi var til saman sytten frå slekta og femten vener. God fangst spør du meg! Så er det triveleg å plassere folk saman som aldri har truffe kvarandre når du ser at drøsen går.

Alle gjestane hadde skjøna at jubilanten ikkje hadde noko ynskje om talar, men dei tre som var, frå dotter Kaja, svoger Ole og kollega Wenche, gleda meg umåteleg. Det var akkurat nok og som dei seier på engelsk "to the point" Familietradisjonen tru, song mine tre søstre sjølvdikta song om søster Venke på melodilinene "Flickorna i Småland" og Champs Elysees"

I Kirkåsvegen vart det også songar om "De yndige små musene" og "Den siste rose", gode slägerar frå gamle dagar.

Så gjekk gjestane heim, litt etter litt -  dei siste klokka halv fire. Då var jubilanten så nøgd og glad at ho måtte bruke to timar på å ta ned turtalet. Tida gjekk med til å tasse omkring i huset, rydde, ta av dukar, tenke og glede seg over ein staseleg fest.

Takk til alle som var med på å gje meg denne ugøymelege kvelden!

Maten vi fekk servert i Saabyes bibliotek skal eg skrive meir om seinare.

English:

All our guests have left, some after four weeks of intense company. We are pleased that relatives want to visit and friends as well. This year it was a pleasure to invite people to Saabyes bibliotek for an aperitif, four courses, accompanied by lovely wines. True to Norwegian tradition we sang a song at the beginning, in the middle and at the end of the dinner.

Celebrating 70 years was not an easy thing to decide to do, but when I had decided to go for it, it was a pleasure to invite family and friends to this occasion. July isn't the easiest month to gather people, but those who showed up enjoyed some hours together in good company. Halfway through the dinner, Karoline 5 1/2 year gave a speech, "Lovely seeing you... and skaal (cheers)" (In a few years she'll probably be the life and soul of the party)
Later in the evening we all went up to Kirkåsvegen for coffee, tea, cakes, and wines. All in all we were 17 family members and 15 friends.  Quite a catch if you ask me and it's a pleasure to put people who don't know each other together when the result is communication.

All the guests had understood that I was not particularly interested in being praised, but the three speeches given, from daughter Kaja, brother-in law Ole, and friend and colleague, Wenche, were to the point and pleased me enormously.  Keeping up anniversary tradition in my family, my three sisters performed their own lyrics describing my life.

In Kiråsvegen singing of "vintage songs" continued, and from one o'clock guests trickled home, the last to leave around half past three in the morning. The hostess was then in an elevated mood and had to pull herself together before going to bed around half past five.

Thanks to all who made this a memorable evening!

Later I'm going to write about the food that was served at Saabyes bibliotek.